“Mingəçevirdə əsl futbol bayramı yaşandı, stadion demək olar dolmuşdu.
Açıq danışsaq, heç Premyer Liqada bu cür atmosfer olmur. Hər bir azarkeşimizə təşəkkür edirəm”.
Region Liqasının pley-off mərhələsinin ilk oyunu çərçivəsində Mingəçevirdə baş tutan “Energetik” – “Cəbrayıl” qarşılaşmasından (1:2) sonra meydan sahiblərinin məşqçisi Azər Həşimov Sportinfo.az-a açıqlama verib.
Gənc çalışdırıcı meydana qələbə üçün çıxdıqlarını desə də, məğubiyyətdən üzüldüklərini bildirib. Lakin cavab oyununda komandaya inanır, mərhələ adlayacaqlarına böyük ümid bəsləyirlər.
Həşimovu ən çox sevindirən pulsuz komandanın pley-offda dirəniş göstərməsidir:
“Bu komanda 1 qəpiksiz qrupu lider kimi başa vurub, pley-offda ilk mərhələni aşıb bura qədər gəlib.
Hələ heç nə bitməyib. “Energetik” səfərdə daha yaxşı oynayır. Allahın izni ilə mərhələni adlayan tərəf biz olarıq”.
HƏBİB
