«İndi əsas məqsədimiz Divizionda çıxış etməkdir».
Bu sözləri «Sportinfo TV»yə açıqlamasında «Xan Lənkəran»ın vitse-prezidenti Rəhman Abbasov deyib.
Region Liqasında ¼ final mərhələsinə vəsiqə qazanan klubun rəsmisi peşəkar futbol səhnəsinə atılmaq yönündə ciddi işlər gördüklərini bildirib:
«Uşaq futboluna diqqəti artırmışıq. 12-13 yaşlılarımız ölkə çempionatında mübarizə aparır.
Gələn mövsüm daha iki yaş qrupu üzrə komanda yaratmağı planlaşdırırıq.
Bilirik ki, Divizionda mübarizə aparmaq üçün AFFA-nın müəyyən tələbləri var. Onlarla tanışıq və fəaliyyətmizi də məhz bu istiqamətdə aparırıq.
Çalışırıq ki, bütün tələbləri yerinə yetirək».
