Həftəsonu Region Liqasında pley-off mərhələsinin oyunları keçiriləcək.
"Xan Lənkəran"ın rəqibi "Şirvanovka" FK (Qusar) olacaq. İlk qarşılaşma martın 27-də, saat 16:00-da “Xəzər Lənkəran” Mərkəzi Stadionunda təşkil ediləcək.
Cənub zonasının lideri olaraq pley-offa vəsiqə qazanan “Xan” daha bir yeniliyə imza atıb.
Yeni yaranan klub stadiona bilet satışına başlayıb. Sevimli komandalarına dəstək olmaq istəyən azarkeşlər bunun üçün 1 manat ödəyəcək.
Maraqlıdır ki, bu təşəbbüs elə yerli fanatlardan gəlib. Onlar klubun inkişafına tövhə vermək üçün stadiona girişin pullu olmasını istəyiblər.
SPORTİNFO.AZ
