AFFA Region Liqasında çıxış edən bəzi komandalara maliyyə dəstəyi göstərir.
Sportinfo.az xəbər verir ki, apasport.az-ın əldə etdiyi məlumata görə, Şimal-Qərb regionunda çıxış edən kollektivlər məhz assosiasiyanın bu yardımı sayəsində ayaqda durur.
Həmin zona üzrə 7 komanda mübarizə aparır ki, onlardan 5-i AFFA-nın səxavətindən faydalanır.
Konkret olaraq “Energetik”, “Ağstafa”, “Şəki”, “Qoşqar UGİM-2” və “Gəncə” qurumdan hər ay 2000 manat yardım alır. Maraqlıdır ki, bu zonadan yalnız “Karvan”la “Göyəzən” diqqətdən kənarda qalıb.
Çempionatın ilk mərhələsində 2-ci yeri tutan “Karvan” pley-offda oynamaq hüququ qazanıb, “Göyəzən” isə 4-cü yeri tutub.
