Region Liqasının bəzi iştirakçıları I Divizionun sıralarına qoşulacaq.
Bu barədə açıqlamanı AFFA-nın icraçı vitse-prezidenti Elxan Məmmədov verib.
O, aşağı liqanın Region Liqası hesabına formalaşacağını da söyləyib:
"Region Liqasına maraq çox böyükdür. Komandaların yanaşması peşəkarlığa doğru gedir.
Ona görə də I Diviziona bu liqadan da komanda dəvət edəcəyik. Heç kimin xətrinə dəymək istəmirəm. Region Liqasının bəzi oyunlarında tamaşaçı sayı Premyer Liqa matçlarındakı fanatların sayından çoxdur".
AFFA-dan redaksiyamıza daxil olan məlumata görə, Region Liqasından I Diviziona gələcək komandaların siyahısı mayda müəyyənləşdiriləcək.
Seçim zamanı yalnız bölgə təmsilçilərinə veriləcək. Həmin klublarıın mövsümü necə keçirməsi nəzərə alınacaq, maliyyə dayaqları, rəhbərlikdə yer alan şəxslərin qeyri-leqal bukmeyker kontorları ilə əlaqələrinin olub-olmaması araşdırılacaq, həmçinin bank zəmanəti istəniləcək.
SPORTİNFO.AZ
