İki il öncə fəaliyyətə başlayan «Qusar» növbəti mövsümə I Divizionda başlaya bilər.
Klub təmsilçiləri bu məqsədlə AFFA rəhbərliyi ilə görüşüb.
Toplantıda «Qusar»ın gələcək perspektivi müzakirə olunub, görüləcək işlərdən danışılıb. Bildirilib ki, Region Liqasının Paytaxt-Şimal zonasında mübarizə aparan kollektivin çıxışı birbaşa icraçı vitse-prezident Elxan Məmmədovun diqqət mərkəzindədir.
Görüşdə o da qeyd olunub ki, AFFA klubun fəaliyyətini dəstəkləyir və zərurət yaranarsa, maddi-mənəvi dəstəyini bundan sonra da əsirgəməyəcək.
«Qusar» rəsmiləri müxtəlif sponsorlarla danışıqlar apardıqlarını, maliyyə dayaqlarını gücləndirmək üçün müxtəlif layihələr üzərində işlədiklərini söyləyib.
SPORTİNFO.AZ
