"Qəbələ" hücumçusu Davit Volkov komandadan ayrılır. Gürcüstanlı futbolçu əyalət təmsilçisinin yeni müqavilə təklifini qəbul etməyib.
Bu barədə Sportinfo.az-a açıqlamasında klubun meneceri Zaur Əzizov məlumat verib. Onun sözlərinə görə, yeni sözləşmənin şərtləri futbolçunu razı salmayıb:
"Biz Volkova öz fikrimizi bildirdik, ancaq futbolçu razılaşmadı. Təklif etdiyimiz məbləği artırmaq imkanımız yoxdur. Bundan sonrası Volkovun özündən asılıdır".
Qeyd edək ki, Volkov 2019-cu ilin qışında "Qəbələ"yə keçmişdi.
