.jpg)
Sponsor məsələsi həll olunan "Qəbələ" hazırkı heyəti qorumağa çalışır.
Sportinfo.az-ın məlumatına görə, əyalət təmsilçisi son vaxtlar adları müxtəlif klublarla hallanan əcnəbi futbolçularını buraxmaq istəmir. "Qırmızı-qaralar" 6 legionerdən 5-nə - Davit Volkov, Merab Qiqauri, Klesio Bauk, İvitsa Zuniç və Fernan Lopesə 1 illik yeni müqavilə təklif edib.
Adıçəkilən oyunçulardan yalnız Volkov yeni təklifə "yox" deyib. Gürcü futbolçunun müqaviləsi dekabrın 31-də başa çatır. Digər futbolçuların sözləşmələri isə gələn ilin yayına qədərdir.
Mövsümün əvvəlində heyətə cəlb olunan Kritian Kuakunun da "Qəbələ" ilə 6 aylıq müqaviləsi qalsa da, bölgə klubu lazımsız legionerdən qış fasiləsində canını qurtarmağa çalışır.
Oktyabrın sonuncu günündə transfer olunan İbrahima Niassenin yaya qədər kontraktı olduğundan, onun məsələsinə mövsümün sonunda baxılacaq.
