AFFA İcraiyyə Komitəsinin bu gün keçirilən iclasında "Qəbələ"nin durumu müzakirə olunub və aşağıdakı açıqlama verilib:
"Qəbələ”nin sponsorları onu maliyyələşdirməkdən imtina edəcəyi təqdirdə, lisenziyalaşdırma qaydalarına uyğun olaraq klubun təqdim etdiyi bank zəmanəti aktivləşdirilsin və məsələ İcraiyyə Komitəsinin növbəti iclasında müzakirəyə çıxarılsın”.
Sportinfo.az-ın məlumatına görə, AFFA-nın baş katibi Elxan Məmmədov ”Qəbələ”nin fəxri prezidenti Tale Heydərovdan görüş istəyib.
O, buna qədər bir neçə dəfə öəhd göstərsə də, Londonda yaşayan tanınmış iş adamıyla birbaşa təmas qura bilməyib.
Məmmədov stadion, baza və otellə bağlı bəzi məsələləri dəqiqləşdirmək fikrindədir. AFFA-nın məqsədi odur ki, Heydərov klubun infrastrukturunu SOCAR-ın balansına keçirsin.