Premyer Liqanın qış fasiləsi üçün "Qəbələ"nin hazırlıq planı bəlli olub.
Sportinfo.az-a klubdan verilən məlumata görə, bölgə təmsilçisi yanvarda 2 həftəlik təlim-məşq toplanışını Türkiyədə keçirəcək.
Əsas sponsoru "Gilan Holdinq"in yanvardan maliyyəni dayandıracağı iddia edilsə də, Elmar Baxşıyevin baş məşqçisi olduğu komandanın qış planı əvvəldən müəyyənləşdirilib. Klub hər hansı maddi çətinliklə üzləşsə belə, bu, qışda Antalyada toplanış keçməyə təsir göstərməyəcək.
