Premyer Liqanın 6-cı turunun "Neftçi" ilə görüşündə zədələnən "Qəbələ"nin futbolçusu Rasim Ramaldanov Ukraynanın paytaxtı Kiyevdə əməliyyat edilmişdi.
Sportinfo.az xəbər verir ki, dizindən əməliyyat edilmiş müdafiəçi daha sonra Bakıya dönmüşdü.
Amma o, yenidən Kiyevə yollanıb. Rasimin bu dəfə Ukrayna paytaxtına yollanması reabilitasiya ilə əlaqədardır. Ramaldanov bərpa prosesini keçdikdən sonra vətənə qayıdacaq. Onun nə zaman məşqlərə başlayacağı isə məlum deyil.
