"Qəbələ" Premyer Liqanın XI turunun "Səbail"lə oyunundan (3:0) sonra istirahətə buraxılıb.
Klubdan Sportinfo.az-a verilən məlumata görə, əyalət təmsilçisi bir də noyabrın 14-də Bakıda bir araya gələcək. "Qırmızı-qaralar" millinin oyunları ilə bağlı yaranmış fasilədə yoxlama oyunu keçirəcəklər. Elmar Baxşıyev komandasını dünən məğlub etdiyi "Səbail"lə matçda sınayacaq. Görüş noyabrın 16-da olacaq.
Bu arada, "Qəbələ"nin 3 futbolçusu milli komandaya dəvət alıb. Amin Seydiyev və Rövlan Muradov ölkəmizin U-21, Klesio Bauk isə Mozambik yığmasına çağırılıb.
Qeyd edək ki, "Qəbələ" Premyer Liqada növbəti oyununu noyabrın 24-də paytaxtda "Neftçi"yə qarşı keçirəcək.