"Qəbələ"nin yarımmüdafiəçisi Davit Volkov Sportinfo.az-a müsahibə verib. Gürcü legoner əvvəlcə komandasının son 2 oyununu dəyərləndirib:
- "Qəbələ" yaxşı oynamağa başlayıb. Ümid edirəm ki, komandamız mövsümboyu bu cür inamlı təsir bağışlayacaq.
- Növbəti turdakı rəqibiniz “Neftçi”dir. “Qəbələ”ni bu oyuna tam hazır hesab etmək olar?
- Əlbəttə, hazırıq. Komandamız bütün rəqiblərlə oynamağa hazırdır. Həmçinin də “Neftçi” ilə.
- "Neftçi” ilə oyunda əsas məqsədiniz nə olacaq, qələbə, yoxsa 1 xal?
- Bu futboldur, öncədən hansı nəticənin olacağı bilinmir. Hansı komanda yaxşı oynayırsa, qalib gəlir.
- Sabahkı rəqibinizin cari mövsüm çempionluğa oynayacağı gözlənilsə də, hazırda altıncı pillədə qərarlaşıblar.
- "Neftçi” yaxşı komandadır. Amma onların bəzi oyunlarda bəxtləri gətirmədi. Çempionat yeni start götürüb. Hələ heç nə bəlli deyil.
Elmar Baxşıyevin gəlişindən sonra komandada nə dəyişib?
- Xüsusi bir şey yoxdur. Elmar Baxşıyev yaxşı insandır, o da futbolu yaxşı bilir.
- "Qəbələ” mövsümün əvvəlində strategiyanı dəyişdi. Bu səbəbdən əksər təcrübəli futbolçular komandanı tərk etdi.
- İndi hər şey yaxşıdır. Keçmiş haqda danışmağa ehtiyac yoxdur. Komandamız avrokuboklara vəsiqə uğrunda mübarizə apara bilər.
Mir BAĞIR