“Qəbələ”nin heyətinə qatdığı Patrik Robsonun keçidinin gerçəkləşməsi ilə bağlı detallar bəlli olub.
Sportinfo.az xəbər verir ki, bunu braziliyalı hücumçunun müqavilə ilə məxsus olduğu “Admira”nın idman direktoru Marsel Ketelar açıqlayıb.
O bildirib ki, 24 yaşlı forvard klub rəhbərliyinə müraciət edib: “Futbolçu bizə xahişlə müraciət etdi. O, icarəyə verilməsini istəyirdi. Biz də onun xahişini yerinə yetirdik”.
24 yaşlı cənubi amerikalı 1,5 il “Qəbələ”nin formasını geyinəcək.
Braziliyada “Amerika” (Rio-de-Janeyro), “Bonsusesso”, “Friburquense”nin yeniyetmə və gənclərdən ibarət komandalarında çıxış edən Patrik peşəkar karyerasına Avstriyada başlayıb.
2020/21 mövsümündə “Horn”da (30 matçda 6 dəə fərqlənib) çıxış edən forvard ötən ilin yayında “Admira”ya keçib. O, cari mövsümdə cəmi 2 oyuna çıxıb və qol vura bilməyib.