.jpg)
"Səbail"in futbolçusu Məqsəd İsayev “Qəbələ”yə keçib.
Sportinfo.az xəbər verir ki, 27 yaşlı müdafiəçi müqavilə müddəti sona çatdığı paytaxt təmsilçisi ilə vidalaşıb.
O, ötən mövsüm “Səbail”də 20 oyun keçirib. Məqsəd “qırmızı-qaralar”la iki illik müqavilə imzalayıb. Daha öncə Urfan Abbasov da “Səbail”dən ayrılaraq “Qəbələ”yə keçib.
Peşəkar karyerasına “Neftçi”də başlayan futbolçu 2013-17-ci illərdə paytaxt təmsilçisinin formasını geyinib.
O, 2018-ci ildə “Keşlə”, 2018-20-ci illərdə “Sabah”, ötən mövsümdə “Səbail”də çıxış edib. İsayev Premyer Liqada ümumilikdə 140 matç keçirib və 2 qol vurub.
Məqsəd 2010-17-ci illərdə Azərbaycan milli komandalarının şərəfini qoruyub. O, U-17, U-19, U-21 və U-23-ün formasını geyinib. Müdafiəçi U-23-ün heyətində İslam Həmrəyliyi Oyunlarının qalibi olub.
