.jpg)
“Qarabağ”ın Avropa Liqasının qrupundakı mövqeyi bəlli olub.
Sportinfo.az xəbər verir ki, Ağdam təmsilçisi İ qrupunda sonuncu yeri tutub.
Bu, IV turun “Sivasspor”la görüşündən sonra rəsmiləşib. 2:3 hesabı ilə uduzan Qurban Qurbanovun yetirmələri ardıcıl 4-cü məğlubiyyətlə üzləşib. Bunadək İsrail “Makkabi”sinə 0:1, İspaniya “Vilyarreal” 1:3, “Sivasspor”a 0:2 hesabı ilə yenilən “Qarabağ” üçün son iki görüş formal xarakter daşıyacaq.
Komandamız hər iki matçda qalib gəlsə də, son pillədən qurtulmayacaq. Xalı olmayan “Qarabağ” 3-cü sıradakı Sivas təmsilçisindən 6 xal geridədir və şəxsi oyunlarda da rəqibinə uduzur. 10 xallı “Vilyarreal”la, 7 xala malik “Makkabi” isə artıq əlçatmazdır.
Qrup sonunculuğu rəsmiləşən Ağdam klubu tarixində 7-ci dəfə qatıldığı əsas raundda 4-cü dəfə 4-cü olub. “Qarabağ” yalnız üç dəfə qrup sonuncusu olmayıb.
“Qarabağ”ın qrupda tutduğu yer
|
mövsüm |
turnir |
yer |
|
2014/15 |
AL |
III |
|
2015/16 |
AL |
IV |
|
2016/17 |
AL |
III |
|
2017/18 |
ÇL |
IV |
|
2018/19 |
AL |
IV |
|
2019/20 |
AL |
III |
|
2020/21 |
AL |
IV |
