"İsrail klublarına qarşı bizimki alınmır ki, alınmır.
Vaxtilə "Xəzər-Lənkəran" iki oyunda 10 (ya daha çox) qol yedi. "Neftçi" son 10 ildə iki dəfə rüsvay oldu. "Simurq" da o vaxtı asanlıqla yenildi".
Sportinfo.az xəbər verir ki, bu sözləri futbol agenti Erkin İbrahimov deyib. O, Avropa Liqasının qrup mərhələsində ötən gecə keçirilən "Makkabi" - "Qarabağ" oyunu (1:0) barədə fikirlərini bildirib:
""Makkabi" daha üstün göründü. Erkən qol vurdular, taktiki planda çox düzgün oynadılar. "Qarabağ"ın ən təhlükəli futbolçularını (Zubir ilə Xaymenı) neytrallaşdırdılar.
Düzdür, Ovusu ilk dəqiqələrdən oynasaydı, bəlkə də 1 xal gətirmək olardı. Son vaxtlar da formadadır. Qurban Qurbanovun hücümçusuz oynamaq qərarı mənim üçün anlaşılmaz oldu.
Ümümlikdə isə "Makkabi" əla təşkilatlanmış bir komandadır. "Sivasspor"u da udub qrupdan çıxa bilərlər".