Azərbaycan yığmasının yeni baş məşqçisi bu tarixdə AÇIQLANACAQ

10 Fevral 20:00 Qarabağ 2 293
Azərbaycan yığmasının yeni baş məşqçisi bu tarixdə AÇIQLANACAQ

Azərbaycan yığmasının yeni baş məşqçisinin kimliyinə martda aydınlıq gələcək.

Sportinfo.az bu haqda AFFA-dan məlumat əldə edib.

Federasiyadan redaksiyamıza ötürülən informasiyaya görə, Canni De Byazinin əvəzləyicisi gələn ayın son ongünlüyündə keçiriləcək hesabat-seçki konfransından sonra bəlli olacaq.

Həmin tarixdə qurumda növbəti prezident seçkiləri baş tutacaq.

Millinin baş məşqçi postuna namizədləri müəyyənləşdirmək məqsədilə yaradılan İşçi Qrupunun (İQ) fəaliyyətində yaranan durğunluq sırf bununla əlaqədardır. İQ dekabrdan bu tərəfə cəmi iki dəfə onlayn şəkildə toplanıb.

2008-ci ildən AFFA-nın prezidenti vəzifəsini tutan Rövnəq Abdullayevin qarşıdakı seçkilərə qatılmayacağı gözlənilir. Bu məsələ artıq dəqiqləşib də deyə bilərik.

Düzdür, SOCAR-ın sabiq şefi beşinci müddətə federasiyanın başında dayanmağı arzulayır, ancaq müvafiq dairələrdən müsbət reaksiya görə bilməyib.

AFFA-nın hazırkı idarəciləri qeyri-müəyyənlik içindədir. Yeni prezidentin kim olacağı onlara da qaranlıq qaldığından, baş məşqçi məsələsində tələsik addım atmaqdan ehtiyatlanırlar.

Birdən başqası gələr və onların seçimini bəyənməz deyə...

Digər Xəbərlər
Xəbər Lenti
23 Fevral 17:50 Çək və bizə göndər!
23 Fevral 13:40 Tanrının ikinci qolu...