İngiltərə millisinin keçmiş üzvü Qari Lineker "Barselona"nın La Liqanın 21-ci turunda səfərdə "Valensiya"ya 0:2 hesabı ilə uduzmasına sərt reaksiya verib.
Sportinfo.az xəbər verir ki, hazırda Britaniya telekanallarının birində aparıcılıq edən veteran futbolçu sabiq komandasının məğlubiyyətində yeni baş məşqçi Kike Setyeni günahlandırıb.
O, şəxsi "twitter" səhifəsində ispan mütəxəssis haqda yazıb: "Setyen, rədd ol!".
Bu, Setyenin "Barsa"nın sükanı arxasında ikinci oyunu və ilk məğlubiyyəti olub. Kataloniyalılar 43 xalla turnir cədvəlinə başçılıq edir.