Almaniyanın 3-cü liqasında keçirilən “Dyusburq” – “Osnabryuk” qarşılaşması yarımçıq dayandırılıb.
Sportinfo.az xəbər verir ki, buna səbəb irqçi təhqirlər olub.
Komandalar meydanda cəmisi 35 dəqiqə olublar. Bundan sonra Aaron Opoku irqçi təhqirlərə məruz qaldığı üçün görüş yarımçıq dayandırılıb.
Azarkeşlərdən biri futbolçuya meymun deyib. Hakim görüşü dayandırıb, 30 dəqiqədən sonra isə qarşılaşmanın davam etdirilməyəcəyini bildirib.
Futbolçunu təhqir edən şəxs həbs edilib. Almaniyada ilk dəfədir ki, irqçi təhqirlərə görə oyun yarımçıq dayandırılır.
