"Legiya"nın sahibi Dariuş Mioduski Avropa Liqasının C qrupunun "Spartak"la görüşündəki məğlubiyyəti şərh edib.
Sportinfo.az xəbər verir ki, Mahir Emrelinin formasını geyindiyi klubun sahibi bu cür danışıb:
"Çox çətin oyun oldu. Təbii ki, bizim üçün pis gedişat oldu. Bir qol buraxdıq, son dəqiqələrdə yorulduq. "Spartak"a Avropa Liqasında uğurlar arzu edirəm.
Biz isə növbəti mövsüm avrokubokları düşünəcəyik. Qrupda elə oynamağa başlamışdıq ki, sanki “Legiya”nın qrupdakı yeri daha yüksək olmalıydı.
"Spartak"la oyun hər şeyi dəyişə bilərdi. Amma bu futboldur, nəsə edə bilmərik".
