"Biz 2013-cü ildə Lüksemburqda oynayanda ilk hissədə zədələnmişdim.
Həmin görüşdə 2:1 hesablı qələbə qazandıq. Mən isə ağır zədəyə görə əməliyyat olundum. Bundan heç kim sığortalanmayıb".
Sportinfo.az xəbər verir ki, bu sözlər Azərbaycan yığmasının sabiq qapıçısı Kamran Ağayevə məxsusdur.
O, millinin uğursuzluğun səbəbini bilmədiyini iddia edib:
"Hazırkı Lüksemburq da əvvəlki komanda deyil. Onlarda da artım var. Əvvəlki kimi futbol oynamırlar. "Bizdə niyə yoxdur?" sualı ortaya çıxır.
Pisləmək istəmirəm, özüm hazırda idmandayam. Dediklərim bütün futbolçulara pis təsir edə bilər. Təbii ki, nəticə və iş göz qabağındadır".
