"Millinin baş məşqçisinin kimliyini biz müəyyənləşdirmirik".
Bu sözləri "Sportinfo TV"nin "Youtube" layihəsi - "Futbol söhbəti"ndə iştirak edən Ramiz Məmmədov deyib.
Tanınmış telejurnalist Elçin Cəfərovun təqdimatında yayımlanan verilişdə millinin gündəmi ilə bağlı danışan mütəxəssis Canni De Byazinin perspektivi ətrafında müzakirələrin mənasız olduğunu bildirib:
"Düzdür, hərə bir söz deyir, hərə bir namizədin adını çəkir. Son günlər, ümumiyyətlə, şayiələr baş alıb gedir.
Kim nə deyir desin, bu, ölkə rəhbərliyi səviyyəsində həll olunan məsələdir. Yuxarı dairələr kimi məsləhət bilsə, komanda da ona tapşırılacaq".
