.jpg)
Peşəkar Futbol Liqasının prezidenti Ramin Musayev “Keşlə”nin “Şamaxı”ya döndərilməsindən vəcdə gəlib.
Deyib ki, Qəbələyə gedib-gəlməkdən bezmişdik.
Eyni rayona nə qədər getmək olar? Yəni Ramin müəllim demək istəyib ki, Azərbaycan çempionatında cəmisi bir bölgə klubu olduğu üçün ancaq Qəbələyə gedib-gəliblər.
Amma Ramin müəllimin sevinci yəqin ki, çox çəkməz, o, bezməkdə davam edəcək.
Nöşün ki, yenə də eyni yolu gedəcək. Qəbələyə yol Şamaxıdan keçir.
Şamaxı Qəbələnin qonşusudur. PFL prezidenti ən azı eyni istiqamətdə 100 km eyni yolu qət edəcək.
Böyük ehtimalla, Ramin müəllimin bundan xəbəri yoxdur.
Uşaqlar, Ramin müəllimə deyin ki, Şamaxı Qəbələ ilə qapıbir qonşudur, eyni bölgədə yerləşirlər və hər iki rayonda futbol ənənəsi yoxdur.
Futbolu sevmirlər bu rayonlarda. Yolunuz hamar olsun, Ramin müəllim!
Bilirəm, eyni yola gedəcəyiniz üçün bezməkdə davam edəcəksiniz.
Amma yadda saxlayın ki, biz də bezmişik. Sizin kimi idarəçilərin əlindən. Allah bizim də yolumuzu hamar etsin.
Natiq Muxtarlı
