Superliqa komandalarında çıxış edən futbolçular öz ölkəsinin millisində oynaya bilməyəcək.
Sportinfo.az xəbər verir ki, bunu UEFA prezidenti Aleksander Çeferin təsdiqləyib.
Avropanın 12 aparıcı klubu FİFA və UEFA-ya zidd olaraq qapalı Superliqa yaratdıqlarını açıqlayıb. O, qurumun bugünkü Konqresində belə qadağanın qüvvəyə minəcəyini açıqlayıb:
“FİFA və altı konfederasiyasının öncədən açıqladığı kimi qapalı liqanın komandalarında oynayan futbolçuların dünya və Avropa çempionatında çıxış etməsinə qadağa qoyulacaq. Onlar öz yığmalarını heç bir beynəlxalq matçda təmsil edə bilməyəcək”.
