Musayev gözaydınlığı verdi

12 Avqust 19:30 Premyerliqa 523
Musayev gözaydınlığı verdi

“Futbol ictimaiyyətinə gözaydınlığı verirəm. Yeni mövsümə püşkatma mərasimi ilə başlayırıq”.

Sportinfo.az xəbər verir ki, bunu Peşəkar Futbol Liqasının prezidenti Ramin Musayev Azərbaycan Premyer Liqasında 2020/21 mövsümünün püşkatma mərasimi zamanı deyib.

O, çıxışı zamanı koronavirusla bağlı yaranmış problemlərdən bəhs edib və çempionatın Əsasnaməsində edilən dəyişikliklərdən bəhs edib:

“Ümid edirəm ki, bu dəfə çempionatımız sona qədər çəkər. Ötən mövsümün yarımçıq başa çatdırılması heç kimdən asılı deyildi. Çempionatda bəzi dəyişikliklər olacaq. Limitlə bağlı heç bir dəyişiklik yoxdur”.

Musayev avrokuboklarda iştirak edəcək klublarımıza diqqətli olmağı tövsiyə edib: “Mətbuatda yazılır ki, püşkatma komandalarımız üçün düşərli oldu. Təki düşərli olsun.

Amma futbolçularımız arxayınlaşmasınlar. Unutmasınlar ki, avrokuboklarda artıq Azərbaycan adını təmsil edəcəklər. Avropa arenasında zəif komanda olmur. Bütün klublarımıza uğurlar arzulayırıq və hamı kimi, biz də onlara azarkeşlik edəcəyik”.

Digər Xəbərlər
Xəbər Lenti
22 Sentyabr 23:20 Qurban Qurbanova çatdı
22 Sentyabr 22:20 Vidalla müqavilə imzaladı
21 Sentyabr 22:00 Mendi transferində tamam