AFFA Premyer Liqa təmsilçilərinin üzünü güldürüb. Söhbət dövlət dotasiyasının klubların hesabına vaxtında köçürülməsindən gedir.
Bildiyiniz kimi, artıq dörd mövsümdür dövlət tərəfindən Premyer Liqa klublarına maliyyə dəstəyi ayrılır. Bu il də hər klub üçün həmin məbləğ 2,5 milyon manatdır və vəsait hər ay klubların hesabına köçürülür.
Əvvəlki mövsümlərdə bu ödənişlərlə bağlı müəyyən gecikmələr yaşanırdı. Bəzi hallarda gecikmənin müddəti hətta iki aya qədər uzanırdı. Bu isə klubların maliyyə planlamasında müəyyən çətinliklər yaradırdı.
Amma bu mövsümdən vəziyyət dəyişib. AFFA klublara məlumat göndərərək bildirib ki, əvvəlki illərdəki gecikmələr artıq olmayacaq. Vəsait hər ayın 1-də klubların hesabına köçürüləcək.
XANOĞLAN/ SPORTİNFO.AZ
