«Neftçi»nin «Qəbələ»dən heyətinə cəlb etmək istədiyi daha bir futbolçu ilə anlaşma baş tutmayıb.
Sportinfo.az-ın məlumatına görə, Qismət Alıyev bakılıların təklifini son anda geri çevirib.
Belə ki, yarımmüdafiəçi əsas heyət üzvü olacağına dair zəmanət ala bilmədiyindən, 3 illik müqaviləyə imza atmayıb.
Ondan fərqli, Klesio Bauk maliyyə şərtlərində bakılılarla ortaq məxrəcə gəlməyib. Bu mövsüm «Qəbələ»nin formasını geyinən legioner «ağ-qaralar»dan aylıq 15000 dollar istəyib.
«Qırmızı-qaralar»da maaşı 10 min dollar olan sabiq «İstanbulspor»lu maddi tələbini aşağı çəkmədiyindən, bakılılar ondan vaz keçib.