"Neftçi” Azərbaycan Premyer Liqasının 20-ci turunda qarşılaşacağı "Sabah”la oyunun hazırlığına başlayıb.
Sportinfo.az xəbər verir ki, "Səbail”lə görüşdən sonra bərpa prossesi edən kollektiv fasilə vermədən növbəti məşqə çıxıb.
Əvvəlcə inzibati binadakı fitnes zalında müxtəlif fiziki təmrinlər edən futbolçular ardından "Türk Hava Yolları Futbol Mərkəzi”ndə toplu çalışmaları yerinə yetirib. Əksər komanda yoldaşlarından fərqli, Baqali Dabonun əhvalının yerində olmaması diqqət çəkib.
Martın 7-də "Bakcell Arena”da keçiriləcək "Neftçi” – "Sabah” oyunu saat 18:00-da başlanacaq.