“Beşiktaş”ın sabiq çalışdırıcısı Abdullah Avcı AFFA-nın təklifini geri çevirib.
“TRT Spor” Sportinfo.az-ın fevralın 11-də yaydığı növbəti xəbəri təsdiqləyib (https://www.sportinfo.az/idman_xeberleri/milli_komanda/77779.html).
Türkiyənin məşhur idman kanalının yaydığı məlumata görə, təcrübəli mütəxəssis Elxan Məmmədovla görüşü zamanı millidə çalışdırmaq istəmədiyini bildirib. Bununla yanaşı, Avcı bir müddət istirahət etmək istədiyini söyləyib.
O da bildirilib ki, Türkiyı yığmasının sabiq çalışdırıcısı Abdullah hoca Bakıdan gələn nümayəndə heyətinin növbəti dəfə görüşmək təklifini nəzakətlə geri çevirib. Çünki məşqçi ilk gündən Azərbaycanda çalışmaq variantına isti yanaşmayıb.
Ötən yay “Başakşehir“dən ayrılan 56 yaşlı mütəxəssis mövsümə “Beşiktaş”da başlasa da, uğursuz gedişatın ardından onunla yollar ayrılıb.