.jpg)
UEFA İcraiyyə Komitəsinin iclası keçirilib.
Sportinfo.az xəbər verir ki, qurum koronavirus pandemiyası ilə bağlı bir sıra qərarlar çıxarıb.
Oğlanlar və qızlardan ibarət U-19-lar arasında Avropa çempionatının 2020/21 mövsümü ləğv edilib. Azərbaycan milli komandalarının turnirlərdəki görüşləri də baş tutmayacaq.
Futzal üzrə Çempionlar Liqasının 2020/21 mövsümünün final oyununun yeri dəyişdirilib. Matç Belarusda deyil, Xorvatiyada təşkil olunacaq. Aprelin 28-dən mayın 3-dək olan müddətə təsadüf edəcək finalı Minskin əvəzinə Zaqreb qəbul edəcək.
U-21-lərin Avropa çempionatının final mərhələsində beyin silkələnməsi şübhəsi səbəbindən iki əlavə oyunçu dəyişikliyi sınanacaq.
