«Kəpəz» bu gün düşərgəsinə yeni oyunçu qatıb.
Azər Bağırov ötən mövsüm onun sərəncamında olmuş Rauf Hüseynlini geri qaytarıb.
Müdafiəçi ilə müqavilə şərtləri razılaşdırılıb - o, mövsümün sonunadək «sarı-göylər»in formasını geyinəcək.
Hüseynli ötən sezon 27 çempionat matçında meydana çıxaraq, 2 qol vurub və 2 assist edib.
Sabiq «Qarabağ»lı yayda maliyyə məsələlərinə görə Gəncə təmsilçisindən ayrılmalı olub. Onun maaş istəkləri ilə rəhbərliyin şərtləri üst-üstə düşməyib.
Raufun geri qayıtması sırf Bağırovla əlaqədardır. Dörd aydan sonra sükan arxasına qayıdan baş məşqçi onu geri dönməyə razı sala bilib.
SPORTİNFO.AZ
