"Kəpəz" Azərbaycan Premyer Liqasında mövsümü major notda başa vurmağı bacardı.
"Qəbələ"nin qonağı olan qərb təmsilçisi görüşün gedişində hesabda geri düşsə də, sonda bərabərlik qolunu vuraraq meydandan bir xalla ayrılmağa müəssər olub - 1:1.
Oyunsonrası mətbuat konfransında diqqət çəkən məqam baş məşqçi Tərlan Əhmədovun mətbuat nümayəndələri önünə hər zaman olduğu kimi klubun mətbuat katibi Azad Mustafayev olmadan çıxması olub.
Maraqlıdır, press ateşənin yoxluğu nə ilə bağlıdır? Olmayan mövsümün sonunu gözləmədən Azad bəy klubdan ayrılıb?
Amma klub rəsmilərindən öyrəndik ki, yox, mətbuat katibi işinin başındadır. Yoxluğu, sadəcə xəstələnməsi ilə bağlıdır.
Mustafayev nəinki bu görüşdə, ümumiyyətlə son bir həftədə işə çıxmır.
Klub rəsmisi suçiçəyi xəstəliyinə yoluxub. Həmkarımıza Allahdan şəfa diləyirik.
XANOĞLAN / SPORTİNFO.AZ
