Bu ilin noyabrında Bakıda keçiriləcək COP-29 tədbiri Azərbaycan Premyer Liqasının oyunlarına təsir göstərməyəcək.
Sportinfo.az xəbər verir ki, bu barədə Peşəkar Futbol Liqasının prezidenti vəzifəsini müvəqqəti icra edən Elgiz Abbasov ölkə çempionatının püşkatma mərasimində deyib.
Qurum rəsmisi həmin müddətdə ölkə daxili yarışların keçirilməyəcəyini bildirib: “Biz bu məsələni hələ keçən mövsümün gedişindən müzakirə edirik.
COP-29 vaxtı I Liqa, II Liqa, Əvəzedicilər Liqası və Azərbaycan kubokunun oyunları keçirilməyəcək. Premyer Liqaya gəldikdə isə, xoş təsadüfdən həmin vaxt çempionatda milli komandaların oyunlarına görə fasilə olacaq.
Yəni COP29 Azərbaycan Premyer Liqasına hər hansı təsir göstərməyəcək. Bütün bunlar təqvimdə əksini tapacaq”.
