La Liqanın XVI turunda "Espanyol" üzərində 2:0 hesablı qələbə "Real" üçün əlamətdar hadisə ilə yadda qalıb.
Sportinfo.az xəbər verir ki, bu, "kral klubu"nun İspaniya çempionatında 1700-cü qalibiyyəti olub. Madridlilər bu göstəriciyə nail olan ilk ispan komandası kimi tarixə düşüb.
"Real" La Liqada ilk zəfərini 1929-cu il fevralın 10-da "Avropa" üzərində qazanıb - 5:0.
Qeyd edək ki, paytaxt təmsilçisinin əzəli rəqibi "Barselona"nın aktivində 1645 qələbə var. "Atletiko" yerli çempionatda 1292, "Atletik" 1239, "Valensiya" isə 1230 dəfə qələbə sevinci yaşayıb.