"Real"ın futbolçusu Xames Rodriqes zədələnib.
Sportinfo.az xəbər verir ki, 28 yaşlı futbolçu Kolumbiya millisinin düşərgəsində zədə alıb. O, dizindəki ağrılara görə millinin məşqini yarımçıq qoyub. Xames yaxın günlərdə həkim müayinəsindən keçəcək və onun zədəsinin nə dərəcədə ciddi olması müəyyənləşəcək. Yarımmüdafiəçinin Kolumbiyanın Peruya qarşı keçirəcəyi yoxlama görüşünü buraxacağı dəqiqləşib.