"Barselona"nın yarımmüdafiəçisi Arturo Vidal Çindən gələn təklifi geri çevirib.
Sportinfo.az xəbər verir ki, Superliqada yarışan "Şanxay SİPQ"dən rəsmi dəvət alan Çili millisinin lideri az-az meydana çıxdığı Kataloniya klubunda qalmağa üstünlük verib.
Cənubi amrikalı futbolçu İspaniya mətbuatına açıqlamasında bildirib ki, çinlilər ona ili 10 milyon avro olmaqla 2 illik müqavilə təklif ediblər.
"Barsa"ya 2018-ci ildə "Bavariya"dan transfer edilən Vidal geridə qalan müddətdə yalnız 40 dəfə oynamaq imkanı qazanıb, 6 qol vurub.