“Barselona”nın yarımmüdafiəçisi Dani Olmo komandanın baş məşqçisi Hans-Diter Flik haqqında paylaşım edib.
Sportinfo.az “Barça Universal”-a istinadən xəbər verir ki, ispaniyalı futbolçu, Flikin komanda ilə olarkən bəzən səsini qaldırdığını bildirib:
“Flik bəzən səsini qaldırır, bəzən isə vəziyyətdən asılı olaraq bizi sakitləşdirir.
Mən onunla ingilis dilində danışıram və o, əsəbiləşəndə onu alman dilində başa düşürəm. O, aydın vizyonlu, diqqətli məşqçidir və nə istədiyini bilir”.
Flik 2024-cü ilin yayından “Barselona”ya rəhbərlik edir. Komanda onun rəhbərliyi altında İspaniya çempionu olub, Kral kubokunu və iki dəfə İspaniya superkubokunu qazanıb.
“Barselona” hazırda 24 turdan sonra 58 xalla La Liqada 2-ci pillədə qərarlaşıb və lider “Real”dan iki xal geri qalır.
.jpg)
