“Barselona”nın baş məşqçisi Hans-Diter Flik komandanın yarımmüdafiəçisi Fermin Lopesin mümkün transferi ilə bağlı yayılan xəbərlərə münasibət bildirib.
Sportinfo.az xarici KİV-ə istinadən xəbər veri ki, almaniyalı çalışdırıcı, Lopesin onlarla qalacağına inandığını deyib:
“Fermin komandadadır. Onunla danışmışam və inanıram ki, o, bizimlə qalacaq.
Amma nə baş verəcəyini bilmirəm. Hazırda buradadır və transfer pəncərəsi bağlandıqda sevinəcəm.
Mən ona öz fikrimi demişəm. Futbolçular və onların ətrafındakı insanlar bəzən fərqli düşünür.
Ola bilər ki, bəziləri daha çox məlumatlıdır. Amma mən Fermin kimi bir futbolçunun bizimlə olmasından məmnunam. O, komandamıza böyük fayda verə bilər”.
Daha əvvəl “Çelsi”nin 21 yaşlı futbolçu ilə danışıqlar apardığı iddia olunmuşdu.
