.jpg)
Bir müddət əvvəl “Barselona”dan “Əl-Nəsr”ə keçən müdafiəçi İniqo Martines keçidinin səbəblərini açıqlayıb.
Komanda.az xarici KİV-ə istinadən xəbər verir ki, o, bu transferin maaşla bağlı olmadığını bildirib:
“Təlim-məşq toplanışı bitəndə baş məşqçi Hans-Diter Fliklə danışdım. Onun başa düşəcəyini bilirdim və onunla dürüst idim.
Mənim 34 yaşım var və müqaviləmin bitməsinə cəmi bir il qalıb. Bu, “Barselona”da çox maaş almamağımla bağlı deyil.
Mənim kifayət qədər yaxşı maaşım var idi və ailəm də rahat idi. Amma belə imkanlar nadirdir, “yox” demək çətin idi.
Ancaq Flik çox təəccübləndi, çünki mən məşqçi və klubla vidalaşmaq istəmirdim”.
Martines 2023-2025-ci ildə “Barselona”da çıxış edib. İspaniyalı futbolçu Kataloniya klubu ilə müqaviləsini qarşılıqlı razılıq əsasında pozub və “Əl-Nəsr”ə keçib.
