.jpg)
“Barselona”nın müdafiəçisi Andreas Kristensen yay transfer pəncərəsində böyük ehtimalla, komandadan ayrılacaq.
Sportinfo.az AS-a istinadən xəbər verir ki, Kataloniya klubunun rəhbərliyi daim zədələrlə mübarizə aparan danimarkalı futbolçunu satmaq niyyətindədir.
29 yaşlı müdafiəçi üçün son mövsüm uğursuz keçib. Belə ki, o, cəmi 6 oyunda iştirak edə bilib. Onun tez-tez yaşadığı sağlamlıq problemləri yeni klub tapmaq prosesini də çətinləşdirə bilər.
Buna baxmayaraq, klubun digər müdafiəçisi Ronald Arauxonun transferi gündəmdə olduğuna görə, Kristensenin komandada qalması daha real görünür.
