"Barselona"nın futbolçusu Usman Dembele transferə çıxarılıb.
Sportinfo.az xəbər verir ki, bu barədə klubun idman direktoru Matteu Alemani açıqlama verib.
O, fransalı hücumçunun heyətdə qalmaq istəmədiyini bildirib:
"Dembele bizim layihənin bir hissəsi olmağı arzulamır. Buna görə də dərhal getməsini tələb etdik. Usmanın yanvarın 31-dək satılacağını gözləyirik".
Usman Dembelenin "Barselona" ilə hazırkı müqaviləsi iyunun 30-dək nəzərdə tutulub. O, klubun təklif etdiyi yeni sözləşmə şərtləri ilə razılaşmayıb.
Bu mövsüm La Liqada 6 oyuna çıxan 24 yaşlı forvard 2 məhsuldar ötürmə ilə yadda qalıb. Dembele 2016-cı ildən Fransa yığmasına çağırılır.