La Liqanın 33-cü turunun “Qranada”ya qarşı matçında (1:2) “Barselona”nın baş məşqçisi Ronald Kuman meydandan qovulub.
Sportinfo.az xəbər verir ki, o, ikinci hissədə “qırmızı vərəqə” alıb.
Buna səbəb kimi, holland mütəxəssisin referini təhqir etməsi göstərilib. Kumana ən azı 2 oyun cəza veriləcəyi gözlənilir.
Oyundan sonra keçirilən mətbuat konfransında isə Kuman heç kimi təhqir etmədiyini söyləyib: “Baş hakim mənə dedi ki, ehtiyat hakimə hörmətsizlik etmişəm.
Amma onun barəsində pis heç nə deməmişəm. Əgər hakimlər gecənin ulduzları olmaq istəyirlərsə, onlara “çox sağ ol” deyirəm”.