“Real Madrid” bir sıra futbolçuların forma nömrələrini dəyişdiyini açıqlayıb.
Sportinfo.az klubun saytına istinadən xəbər verir ki, yeni transfer Kilian Mbappe Madrid təmsilçisində 9 nömrəli forma ilə çıxış edəcək.
Eduardo Kamavinqa 6, Federiko Valverde 8, Aurelien Tçouameni 14, Arda Gülər 15, Xesus Valyexo isə 18 nömrəli forma geyinəcək.
“Kral klubu” sabahdan etibarən öz fan-şoplarında oyunçuların nömrələri yenilənmiş formaların satışına başlayacaq.
