“Bornmut”un yarımmüdafiəçisi Antuan Semenyo karyerasını İngiltərə Premyer Liqasının aparıcı klubunda davam etdirə bilər.
Sportinfo.az “Daily Mail”-ə istinadən xəbər verir ki, 25 yaşlı futbolçuya “Qarabağ”ın Çempionlar Liqasındakı rəqibi “Liverpul” ciddi şəkildə maraq göstərir.
Bununla belə, “Bornmut” qış transfer pəncərəsində qanalı oyunçunu satmaq niyyətində deyil. Onun transferi yalnız gələn yay mümkün ola bilər. Klub onu 75 milyon avro dəyərində qiymətləndirir.
Semenyonun “Bornmut”la müqaviləsinin müddəti 2030-cu ilin iyununun sonuna kimidir. O, cari mövsümdə Premyer Liqada 8 oyunda meydana çıxıb, 6 qol vurub və 3 məhsuldar ötürmə verib.
