“Tottenhem”in hücumçusu Riçarlison yaxın vaxtlarda Premyer Liqanın başqa klubuna keçə bilər.
Sportinfo.az “Teamtalk”-a istinadən xəbər verir ki, 28 yaşlı forvarda onun sabiq komandası “Everton” maraq göstərir.
London təmsilçisi qış transfer pəncərəsində Riçarlisonun satışını nəzərdən keçirməyə hazırdır. Braziliyalı futbolçu əvvəllər “Everton”un heyətində çıxış edib.
Riçarlison cari mövsümdə “Tottenhem”lə 13 oyunda meydana çıxıb, 3 qol vurub və 1 məhsuldar ötürmə verib. Onun klubu ilə müqaviləsinin müddəti 2027-ci ilin ortalarına kimidir.
