İngiltərə Premyer Liqasının iki top-klubu – “Arsenal” və “Çelsi” “Komо”nun argentinalı yarımmüdafiəçisi Nikolas Pasın transferinə maraq göstərir.
Sportinfo.az xəbər verir ki, bu barədə “Mundo Deportivo” nəşri məlumat yayıb.
London klubları 21 yaşlı futbolçunu “Real”a qayıtmaq fikrindən daşındırmağa çalışacaqlar.
Pas əvvəllər Madrid təmsilçisində çıxış edib, ancaq “Real”ın hazırda onun mövqeyində çoxsaylı oyunçulara sahib olması Premyer Liqaya keçidi daha real göstərir.
Nikolas Pas cari mövsümdə A Seriyasında “Komо”nun heyətində 7 matçda meydana çıxıb, 4 qol vurub və eyni sayda məhsuldar ötürmə verib.
“Real”ın baş məşqçisi Xabi Alonso da gənc yarımmüdafiəçinin oyununu yaxından izləyir.
