“Tottenhem” klubu “Bayern”in hücumçusu Harri Keyni geri qaytarmağı ciddi şəkildə düşünür.
Sportinfo.az “Teamtalk”-a istinadən xəbər verir ki, London klubu Keyni qaytarmaq üçün böyük pullar xərcləməyə hazırdır.
Klub oyunçunun “Bayern”lə müqaviləsində nəzərdə tutulan satınalma maddəsini ödəmək niyyətindədir və həmçinin, Keyni yüksək maaşla təmin etməyə hazırdır.
Keyni almaq ideyasının “Tottenhem”in yeni idman direktoru Fabio Paratiçi tərəfindən irəli sürüldüyü bildirilir.
İngilis hücumçu 2010-2023-cü illərdə “Tottenhem”də çıxış edib. O, bu müddət ərzində klubla bir dəfə də olsun kubok qazana bilməyib.
