“Çelsi”nin baş məşqçisi Enzo Mareska komandada icarə əsasında çıxış edən “Mançester Yunayted”in hücumameyilli yarımmüdafiəçisi Ceydon Sançonun gələcəyi ilə bağlı fikirlərini bölüşüb.
Sportinfo.az xarici KİV-ə istinadən xəbər verir ki, o, hələ gələn mövsüm üçün heyət haqda düşünmədiyini söyləyib:
“Komandamızın qollara və məhsuldar ötürmələrə ehtiyacı var.
Sançonun gələcəyi? Gələn mövsüm üçün heyət haqqında hələ düşünməmişəm.
Hələlik fikirlərim mövsümü yaxşı notda başa vurmaq üçün bu heyətdən maksimum yararlanmağın yolları ilə bağlıdır”.
Sanço bu mövsüm İngiltərə Premyer Liqasında 26 oyun keçirib, 3 qol vurub və 4 məhsuldar ötürmə edib.
