“Mançester Yunayted”in keçmiş müdafiəçisi Qari Nevill klubun son illərdəki uğursuzluqları haqda fikirlərini açıqlayıb.
Sportinfo.az xəbər verir ki, veteran futbolçu bu barədə sosial şəbəkə hesabında paylaşım edib:
“Mançester Yunayted” uğursuzluq dövrəsində ilişib qalıb. Xüsusilə, xərclənən məbləğə və keçmişin uğurlarına nəzər saldıqda bunu demək olar.
Və bu, real struktur dəyişiklikləri olmayana qədər dəyişməyəcək. Bunu təkrar-təkrar deyirəm. Artıq bu barədə qışqırmağın mənası yoxdur”.
İngiltərə çempionatının 14 turundan sonra “qırmızı şeytanlar” 24 xalla turnir cədvəlinin 7-ci pilləsində qərarlaşıb.
